作词 : 许冠杰 |黎彼得

苏虾仔未出世 都去揾玉皇大帝

听佢讲番啲世俗条例

呖起张卖身契 起势咁拧头拧计

好坐低听孤家讲出一切

喂 我要你架势 你梗一家富贵（嘻）

我发起啷黎 会将你垫尸底（哗）

认真巴闭

签番张卖身契（卖身契）

搞掂笔入境费（仲要洗礼）

咁苏虾仔至准出世

苏虾仔大个左啦喂

识拍拖学人哋曳

一次偷鸡喊亦无谓

番香闺论婚礼

俾八姑窒头窒势

好女婿呢单认真襟计

喂 你咪当免费 走精面咪制（咪制）

我听钱驶 你好挖仓底（哗）

仲要三牲酒礼

签番张卖身契（仲要屋契）

搞掂笔外母费（杰过西米）

咁苏虾仔至准出世

（烛光制作）

香港地为生计 乜野都受人限制

睇报纸多多制度条例

加差饷电费水费

啲送乜越来越贵

恩爱夫妻都顶心顶肺

喂 咪太过闭翳 训医院更贵（太贵）

养班马骝仔 有苦暗哑抵（唉）

仲要交足书簿费

一张张卖身契（卖身契）

枕住咁累你一世（做到甩肺）

唉 总之一句柯弥吉帝（柯弥吉帝）

一张张卖身契（卖身契）

枕住咁累你一世（做到甩肺）

唉 总之一句柯弥吉帝 啰前世